Tja...

Ennþá er ég að hafa bara mjög gaman af vettvangsnáminu en áhuginn á að læra og vinna verkefni er aðeins að dvína. Ég fór samt svo vel af stað að það skiptir ekki öllu máli, er ennþá í góðum málum.
Nú er ótrúlega lítið skipulögð helgi og ég er löt. Nenni hreinlega engu, Hagkaup bíður spennt eftir að ég heiðri það með nærveru minni og eyði nokkrum krónum þar svo hafði ég hugsað mér að rölta með átta dekk á bensínstöðina og setja loft á þau svo að við fjölskyldan séum tilbúin í sumarið.

Ég veit ekki hvað er að mér, en þetta er held hreinlega í fyrsta sinn sem mig langar til þess að fara að þrífa bílinn. Kannski ég skelli Sögu í stígvél og peysu og skröltum þá með 12 dekk í dag á bensínstöðina :) Ég kenni foreldrum mínum um þetta madness en þau lánuðu mér bílinn sinn í tvær vikur á meðan pabbi var í Noregi og það var bara svo fínt í honum :) Svo var hann sjálfskiptur og hefur gert það að verkum að ég drap á mínum bíl í tíma og ótíma :)

Síðasta vetraractivity-ið okkar verður sennilega að fara á skauta á morgun en við ætlum að byrja í leikhúsinu og halda svo á skauta.

Gaman gaman

Oftast nær þegar ég ræði um námið mitt er það á neikvæðu nótunum. Eins og gefur að skilja í minni stöðu er skólinn ekki í hæsta forgangi og ótrúlegt hvað ég hef náð að koma mér í gegnum þetta so far. Reglulega fæ ég panik kast, veit ekki hvað ég á að gera, hvernig á að ljúka þessu, hvort ég sé yfirhöfuð í réttu námi og hvort ég eigi nokkurn tímann eftir að klára þetta.

Eeeen það er sko aldeilis ekki tilfellið núna!
Mér finnst vettvangsnámið alveg ótrúlega skemmtilegt! Allt í einu er ég komin aftur á það að ég sé á réttri hillu þó að það sé allskonar dillur í mér sem ég læt mig dreyma um. Það er ekki nóg með það að ég skemmti mér á vettvangi og sé ánægð með þetta allt saman heldur finnst mér verkefnavinnan, s.s. leiðabókin og einstaklingsáætlunin bara alveg stóóóórskemmtilegt.
Verst finnst mér að það séu bara 24 tímar í sólarhringnum. Ég þyrfti að bæta við eins og þremur tímum á milli 14 og 15 svo að ég hafi nægan tíma til að leggja þá vinnu sem mig langar að geta lagt í verkefnin í þau en samt getað sinnt stelpunum þann tíma sem ég er með þær og svo væri líka ágætt að hafa góðan tíma í sturtu og jafnvel til að eyða smá tíma með karlinum mínum svona af og til.
En af því að ég er Pollýanna í kvöld þá er þetta bara allt í góðu og ekkert slæmt mál. Ég ætla að vona og trúa að hugarfarið skili sér svolítið í betra verkefni en ella og að ég sé að gera þetta þrusuvel þó að ég myndi vilja hafa betri tíma.

En að öðru ... mér tókst að týna dóttur minni í gær. Nei, ekki Sögu heldur litla dýrinu. Jújú mikið rétt, barnið bara hvarf á meðan ég sinnti systur hennar. Ég fylltist örvæntingu, þar sem ég var jú föst heima með þær og allar útgönguleiðir lokaðar. Ég vissi auðvitað að hún var ekkert týnd en á þriðja hring um íbúðina var ég farin að skrækja aðeins og Sögu hætt að lítast á blikuna. Svo fann ég hana auðvitað þar sem hún stóð við hurðina út í garð og hafði dregið fyrir svo hún var þar falin. Fannst þetta svona líka ægilega fyndið þegar ég fann hana og mér var ekki skemmt.
Hvurslags móðir er það sem getur týnt barninu sínu innan fjögurra veggja heimilisins? Og hvurslags rugludallur heldur í alvöru að árs gamla barnið geti gufað upp á örskammri stundu? Snögg er hún ... en langt frá því að vera yfirnáttúruleg :D

sjúbbsjúbbsjarei

Það er sko nóg að gera á öllum vígstöðvum.

Vettvangsnámið er bara þrælskemmtilegt og gengur auðvitað bara mjög vel! Það er ótrúlega gott að komast út og mér finnst svo gaman í vinnunni! Já og ég segi bara vinnunni því þetta finnst mér ósköp svipað vinnunni! Hlakka bara nokkuð mikið til að fara á Klambra í maí - sérstaklega þar sem að þá fer ég heim úr vinnunni og búið mál. Get slegið öllu upp í kæruleysi og notið sumarsins sem ætlar að vera sérlega gott. Ekki skemmir fyrir að Sagan er ótrúlega spennt að fá mig aftur þangað niðureftir og verður gaman að sjá hvernig hún tekur því. Hún var svo ótrúlega mikið pons þegar ég fór í fæðingarorlof.

Ég á svo eitt lítið fiðrildi sem er soldið mömmusjúkt og hér í kvöld tók hún pabba sinn greinilega fram yfir mig! Þau eru að hafa það bara mjög svo fínt hérna saman á daginn og við stelpurnar reynum svo að gera eitthvað skemmtilegt seinnipart dagsins. Ég er svo þrusu skipulögð þegar ég er svona ein með þær á kvöldin að eitt kvöldið vorum við allar sofnaðar kl.19:30. Það er fullsnemmt en ég þarf sko að fara í rúmið örlítið seinna en þær til að fúnkera, alveg komin úr æfingu við þetta alllt saman :)

Ég r að vona að það verði svona blíða um helgina og stefna á að gera eitthvað skemmtilegt. Ég krossa líka putta og vona að veðrið í gær hafi verið smá djók og nú sé komið vor, við erum mjög svo tilbúin fyrir það, tímabært að hefja freknusöfnun og horfa á aðra í fjölskyldunni verða súkkulaðibrúna en þessir örfáu geislar eru strax farnir að skila sér í litlu andliti. Ég væri svo til í að smá brot af þessu sko ...